أنشيلوتي يعلن قائمة ريال مدريد وخمس غيابات مؤثرة قدام خيتافي

12 ساعة منذ

Rodyna Emad Elmansy

أعلن المدرب الإيطالي كارلو أنشيلوتي عن لسته اللعيبة اللي هتخوض مباراة ريال مدريد ضد خيتافي بكرة الأربع، في الجولة 33 من الدوري الإسباني، والماتش ده مهم جدًا للملكي علشان يفضل في المنافسه على لقب الليغا.

بس الملاحظ في القايمة إن فيه غيابات تقيله ومؤثرة بشكل كبير، وأبرزهم كان كيليان مبابي، اللي واضح إنه مش جاهز للمشاركة، بجانب داني كارفخال اللي لسه بيكمل في برنامج التأهيل بعد إصابته الطويلة.

كمان غاب فيرلاند ميندي، وده ممكن يأثر على توازن الدفاع من الجهة الشمال، بالإضافة لإيدير ميليتاو اللي لسه بيشتغل على العودة تدريجيًا.

بالنسبه للقائمة نفسها، فأنشيلوتي اختار 3 حراس مرمى: كورتوا، لونين، وفران جونزاليس، وده بيدّي إشاره إن كورتوا ممكن يكون جاهز لأول ظهور رسمي بعد الإصابة الطويلة.

أما في الدفاع، فضم: ألابا، لوكاس فاسكيز، فاييخو، فران جارسيا، روديجر، وأسينسيو، رغم إن البعض استغرب من وجود أسينسيو في خط الدفاع.

الوسط كالعادة ناري: بيلينجهام، كامافينجا، فالفيردي، مودريتش، تشواميني، أردا جولر، وسيبايوس.

وفي الهجوم: فينيسيوس، رودريجو، إبراهيم دياز، إندريك، وجونزالو.

الملكي داخل الماتش وعينه على التلات نقاط، بس الجمهور قلقان من الغيابات دي، وهل البدلاء هيقدروا يشيلوا الفريق؟ ده اللي هنشوفه بكرة في ملعب خيتافي.