بشرى وخالد حميدة يردون | لا تهمنا شائعات الانفصال واحنا مع بعض ومفيش حاجة حصلت

شهرين منذ

كريم احمد الحسيني

خرجت الفنانة المصرية الشهيرة بشرى لترد على أخبار وشائعات الانفصال عن زوجها خالد حميدة وذلك وقالت عبر برنامج أي تيه بالعربي على موقع انستجرام: “وجودي مع خالد أكبر تكذيب، وأقول للناس متصدقوش كل حاجة بتسمعوها وبتشوفها، لأن في طبعا اشاعات مغرضة وفي حملات ممنهجة”.

وأضافت: “أنا تكلمت مع خالد إني أتفق مع شركة عالمية لكشف كل الناس اللي بتعمل حمالات سواء ضدي او ضد اي فنان تاني وواخدة على عاتقي هذا الموضوع وخالد شجعني في حاجة زي كدة، لانه مش صعب أعرف مين اللي بيطلع الحملات الكاذبة والمغرضة”.

وحول فارق السن بينهم قالت: فرق السن؟!.، دي خيابة ومش كبير بينا ده فرق عبيط، واحنا كنا مع بعض في المدرسة وعندنا شهود ودفعات كاملة في المدرسة تقدر ترد، أنا مش هتعب نفسي دي حاجة ميخصش حد، أنتم مالكم يا جماعة أنتم حشريين صحيح هذا شيء مايخصكم يا جماعة”.

ونهت الحديث وقالت: “عندنا حاجات أهم من اللت والعجن بتاع الناس، حولينا حروب والبلدان بتصارع عشان تعيش، مش معقول نبقى بالتفاهة دي ونركز في الحاجات دي ومينفعش نسيب الناس تعمل كده، وقريبا هيكون لينا كلام مع وزير الاتصالات وكل الجهات المعنية بهذا الأمر لأني مش هسكت ليا أ لزملائي الفنانين”.

تعليق خالد حميدة عن أخبار الانفصال

وحول تعليق زوجها خالد حميدة عن تلك الأخبار قال: “الأخبار بتوصلني منها هي متابعة الموضوع أكتر مني والموضوع مش حاسة أنه فارق معايا جدا احنا مع بعض مفيش اي حاجة حصلت .، طلعت حاجات كتيرة الأيام اللي فاتت ومش عارف أقول ايه”.