“مبقاش ليك دور مع الزمالك”! تصريحات مثيرة من نجم الزمالك الأسبق على دور شيكابالا مع الفريق

7 أشهر منذ

كريم احمد الحسيني

تصريحات مثيرة من نجم الزمالك الأسبق على دور شيكابالا مع الفريق

خرج لاعب الزمالك الأسبق النجم رضا العزب ليتحدث ويهاجم قائد الفريق الأبيض الحالي النجم محمود عبد الرازق شيكابالا وذلك بعد تصريحات الأخير بعد مباراة القمة ضد الأهلي المصري في السوبر الإفريقي حيث قال شيكابالا: “اللاعب مننا بـ 20 لاعب من أي فريق آخر”.

وأضاف العزب وقال: “شيكابالا مينفعش يقول الكلام ده، أنت لعيب كبير وبيقولو عليك أسطورة، بس لازم تكون عرقت حتى عشان تقول الكلام ده، أنت دورك تستلم الكأس أو ترقص وتنطط بالكورة فقط، أنا كنت بدعي أن شيكابالا ينزل، بس أنت مبقاش ليك دور، وعبدالله السعيد أهوه أصغر منك وبيلعب أساسي”.

وأضاف وقال: “وبعدين يا شيكابالا أنت بقالك 20 سنة من عام 2003 في الزمالك، ومخادتش بطولات زي الأهلي مروحتش كأس العالم للأندية، ودوري أبطال إفريقيا مكسبتهاش ف متقارنش نفسك بلاعيبه الأهلي”.

ونهى الحديث وقال: “أنا عارف أنهم لاعيبه كبار بس كل وقت وله أذان، مينفعش أكون بلعب خماسي ولما فرقتي تكسب أنزل أهيص، لازم أكون لعبت وساهمت وليا دور مع الفريق، مش بعيد يكون نزل اتصور ولبس النضارة عشان كابتن حسام حسن يضمه في المنتخب”.

رضا العزب عن تجديد زيزو

وحول تجديد عقد زيزو قال: “مفيش لاعب في الدوري المصري يستاهل 5 مليون جنيه، وزيزو من ضمنهم، وهو عمل أية في ماتش القمة أمام الأهلي، ناصر ماهر كان نجم الزمالك اللي ظهر في مباراة الأهلي في السوبر الإفريقي، أما زيزو لما يبقى ياخد دوري أبطال إفريقيا أبقى أديله 100 مليون جنيه عادي”.