عمر كمال يتوسل للأزهر | هل ربحه من الغناء محرم وما حرمانية إخراجه أموال كصدقات

شهرين منذ

كريم احمد الحسيني

خرج الفنان المصري والمطرب الشاب المعروف عمر كمال ليتحدث عن علاقته بربنا وغضبه من حديث الأشخاص حول حرمانية عمله وأمواله وقال في فيديو نشره عبر منصته على التواصل الاجتماعي:

“أنا علاقتي بربنا كويسة أظن ذلك، لكن تعبت نفسيًا من كلام الناس، وبطلب من أي شيخ من الأزهر يرد عليا ويريحني، يقال الله طيب لا يقبل إلا طيب؟ أنا بعمل إيه غلط بغني في فرح وبفرح الناس أو في عيد ميلاد أو في حفلة تخرج”.

وأضاف وقال: “أنا بعمل الخير من غير ما أظهره للناس سواء سقف بيت أو عمليات أو إيجار، بعمل اللي بقدر عليه، ومع ذلك تعبت من الانتقادات، أنا شايل مسؤولية 50 أو 60 فرد، بين فرقتي والناس اللي شغاله معايا وأهلي والسواق”.

ونهى الحديث وقال: “اللي بيقول إن فلوسي حرام، أنا بستخدم الفلوس دي في مساعدة الخير، إنتم عملتم إيه؟ لما حد يحتاج يغسل كلى مرتين أو تلاتة في الشهر، واللي عايز طرف صناعي، أنت عملت له إيه أنا عملت له”.

طلب عمر كمال من شيخ الأزهر

ووجه كمال طلب لشيخ من شيوخ الأزهر وقال: “أنا عايز شيخ من الأزهر يرد عليا ويقولي إذا كنت غلطان ولا صح، لو غلط هبطل أعمل خير، عشان أنا تعبت نفسيا، أنا أتمنى إن المجتمع كله يبقى زي عمر كمال، ويساعد الآخرين، عشان محدش هيبقى فقير”.