شريف عامر يبكي في أول ظهور على الهواء بعد وفاة والده

7 أشهر منذ

Abdulrahim

شريف عامر يبكي في أول ظهور على الهواء بعد وفاة والده

ظهر الإعلامي شريف عامر في أول ظهور له بعد وفاة والده في حلقة جديدة من برنامج يحدث في مصر.

وعبر شريف عامر بحزن عن وفاة والده الكاتب الصحفي منير عامر وقال “41 يومًا مروا منذ وفاة والدي، كنت متصور إني هبدأ بداية مختلفة، لكن لمع الخاطر في دماغي حالا على الهواء إننا لازم تشتغل والحياة لازم تستمر، وأرجو إن الواحد يبقى عارف يستمر في شغله بالشكل الذي تتوقعونه وتتصورونه”.

وصرح شريف عامر إن هذه المرة تذكره بأول أيام تدريبه للظهور أمام الشاشات والكاميرات وقال “وإحنا بنتدرب على يد أستاذ كبير، اتقالنا كلمة مهمة جدا عمرى ما هنساها، لو أبوك أو أمك ماتوا ومبلغتناش اعتبر أبوك مماتش وتطلع على الهوا بشكل طبيعي، واليوم ده بيتكرر دلوقتي والدى مات وأنا مستمر زي ما أنا في الهوا وكأن شيئا لم يكن”.

ولم يتمالك شريف عامر نفسه وبدأ بالبكاء وقال “الأصعب بعد الهواء بالنسبة لي، لأن والدي كان رجلا قلوقا جدا، لو عندك 18 أو 50 عاما يطلب أقول له أنا فين في اللحظة دي، لو تتر البرنامج شغال ووالدي ووالدتي بيتفرجوا عليا ومتصلتش بيه بعد ما خرجت يقلب الدنيا، النهاردة لن تتم هذه المكالمة، لكن أتمنى يكون راضيا وربنا يرحم الجميع”.