الفنان زي لاعيب الكرة | الفنان “أحمد مالك” بتصريح قوي عن سبب غيابه عن الساحة الفنية

شهرين منذ

كريم احمد الحسيني

ظهر الفنان “أحمد مالك” يتحدث عن غيابه لفترة على الساحة الفنية نتيجة احترافه التمثيل ووصوله للعالمية، بجانب الكشف عن كيفية استفادته من التعليقات السلبية وكيفية تطوير كممثل في أعماله.

حيث قال “أحمد مالك” في تصريحات تلفزيونية: “أنا ممثل الدور اللي هيتعرض عليا هعمله بأكثر شكل ممكن اللي أن الناس تصدقوا، الفنان زيه زي لاعيب الكرة، عندك موهبة هتشتغل عليها هتبقى أحسن، مش هتشتغل عليها عمرك ما هتتطور، زي مباراة نزلت لاعبتها، عملت أداء وحش هترجع المباراة الثانية تثبت نفسك فيها”

أحمد مالك: متحمس أني أقدم أكتر شخصيات أتربيت وسطها

أوضح الفنان “أحمد مالك” أنه لم يهتم بالتعليقات الجمهور عنه في سياق شخصي على قدر تركيزه في أعماله، مُعلقًا: “في حاجات مقدمتهاش بأكثر شكل أنا راضي عنها، بس ده ميخلنيش أستخبى وأقول لا مش هعملها، بالعكس ده يخليني أتعلم منها وأقدم نفسي بشكل أنا راضي عنه”.

أوضح “مالك” فيما يخص اختفائه لفترة بسبب انشغاله بأعماله العالمية، قائلًا: “أنا كنت في فترة عندي حلم الاحتراف للعالمية، إني أشتغل بره مصر وحققت ده، بس أنا دلوقتي مركز أكثر في بلدي وبالأخص الظروف اللي بتحصل في العالم حاليًا بتخليك عاوز تبقى في وسط أهلك، وأنا متحمس جدًا أني أقدم أكتر شخصيات أنا أتربيت وسطها”.

على جانب آخر يعرض حاليًا لـ “أحمد مالك” مسلسل مطعم الحبايب، وهذا عبر منصة شاهد، وتشاركه في البطولة الفنانة “هدى المفتي”.

تحدث الفنان “أحمد مالك” حول كواليس تصوير مسلسل مطعم الحبايب، قائلًا: ” الكواليس كانت ممتعة والكاست كلهم أساتذة وليهم تقل كبير جدا وبذات في تاريخ الكوميديا رهيب يعنى، فطبعًا ده كان بيتعكس عندنا فى اللوكيشن، فالموضوع كان لذيذا، وهدى المفتى من الشخصيات اللى تحس أنك اشتغلت معها قبل كده لمدة سنين طويلة فكان في تعاون، وهي ممثلة مهمة وعندها كتير فاستمتعت بالشغل معها”.