محمد بن سلمان يستقبل مودي بجدة لتعزيز الشراكة بين المملكه والهند

6 ساعات منذ

Rodyna Emad Elmansy

استقبل اليوم الثلاثاء صاحب السمو الملكي الأمير محمد بن سلمان بن عبدالعزيز، ولي العهد ورئيس مجلس الوزراء، رئيس وزراء الهند ناريندرا مودي، اللي وصل جدة بزياره رسميه تستمر لمدة يومين، وجات هالزياره بدعوه من سمو ولي العهد.

وعقد الطرفين جلسه مباحثات رسميه، ناقشو فيها كيف يقدرون يقوّون العلاقات بين البلدين في مجالات كثيره، منها الطاقه والدفاع والاستثمار والتقنيه، وتم التركيز على تعزيز المصالح المشتركه بين البلدين.

الاجتماع ما وقف هنا، بل ترأسو سمو ولي العهد ورئيس الوزراء الهندي مجلس الشراكة الاستراتيجيه بين السعوديه والهند، واللي يهدف لتعزيز التعاون الطويل الأمد في عدة مجالات حيويه.

العلاقه بين المملكه والهند مو جديده، هذي علاقه ترجع لعقود طويله، من وقت استقلال الهند عام 1947، وزادت قوتها بزيارات مهمه مثل زياره الملك سعود للهند عام 1955، وزيارة رئيس الوزراء الهندي نهرو للسعوديه بعدها بسنه.

ومن المتوقع أن الزياره هذي بتفتح آفاق جديده وتدعم التعاون الثنائي، وتدفعه لمستويات أعلى، وتكون فرصه مهمه لتقوية الأمن والاستقرار بالمنطقه بشكل عام، خصوصًا في ظل التحديات العالميه الكبيره.

ختامًا، الزياره هذي تأكد على أن العلاقات بين السعوديه والهند ماشيه بطريق الشراكه الحقيقيه، والتفاهم الاستراتيجي، اللي يخدم الطرفين وشعوبهم.