آرسنال مهتم بثلاثي ريال مدريد ومصيرهم بيد بيريز حالياً

6 ساعات منذ

Rodyna Emad Elmansy

في أخبار جديده قادمه من لندن، نادي آرسنال الإنجليزي بدأ يسأل عن إمكانية التعاقد مع ثلاث لاعبين من ريال مدريد وهم أردا غولر، رودريغو، وكمان إدواردو كامافينغا.

الخطوه هذي جايه من المدرب أرتيتا اللي شايف إنهم بيكونو تعزيز قوي للفريق الموسم الجاي.

أرتيتا مؤمن إن الثلاثي يقدر يعطي الإضافة اللي يحتاجها الفريق، وخصوصاً إنهم مو دايم يلعبون أساسيين في مدريد، وذا الشي ممكن يخليهم يفكرون يغيرون وجهتهم المدرب يبي يستغل الوضع ويعطيهم فرصه للعب أكثر بإستمرار.

لكن القرار النهائي مش عند أرتيتا ولا حتى اللاعبين، هو عند رئيس ريال مدريد فلورنتينو بيريز، اللي لازم يقيم الوضع كامل، ويشوف إذا فعلاً بيعتمد عليهم بالمستقبل ولا لا، وخصوصاً إن المدرب أنشيلوتي ممكن يرحل عن النادي قريب.

الوضع معقد شوي لأن الريال ممكن يحتاجهم، خاصة لو المدرب الجديد شاف إنهم يدخلون بخطته وكلنا نعرف إن غولر وكامافينغا لاعبين شباب وعندهم مستقبل، أما رودريغو رغم مستواه المتراجع شوي، بس عنده قيمه فنيه وتسويقيه.

الإعلام الإسباني يقول إن بيريز مو مستعجل بالقرار، وراح ينتظر لما تتضح صورة المدرب الجديد أول. آرسنال من جهته مستعد يتحرك بسرعه لو جاتهم إشاره من مدريد.