“افتقدت نقده شغلي ولو كان غلس”.. نسمة محجوب تعبر عن حزنها لفقد أبيها

شهرين منذ

كريم احمد الحسيني

كشفت النجمة نسمة محجوب في تصريحات لها عن أكثر شيء تفتقده من بعد وفاة أبيها دكتور علاء محجوب، وقالت: ” دور بابا بدأ لما قررت احترف الغناء يعني هو جيه في النص التقيل والأهم أكثر كمان، وأكثر حاجة افتقدتها مع رحيله كانت انتقاداته، أبويا مكنش بيعجبه حاجة تقريبًا طول الوقت عنده مشكله مع الحاجات ويقعد يقول تعليقات” .

واستكمل معلقة على حزنها الشديد أن: “دلوقتى بعد وفاته مفيش حد حاسة أن هو عنده النقد العاري تمامًا من المجاملات، حتى لو النقد غلس، وده مهم لأن أبويا كان شخص مهتم وعايزني دايمًا أحسن واحدة، أنا عارفه أنه فخور بيا وكان عايزنى دايمًا في أحسن صورة ودائمًا يتباهى أن بنتي عملت وبنتي سوت”.

وأنهت كلامها قائلة: ” أبويا دايمًا كان بيتكلم معايا بصراحة جدًا، ومش فاكرة حاجة مثلاً بجد علمت معايا يعني لدرجة أنها ضايقتني بس كده هو عمومًا كان بيحاول يخليني دائمًا زي ما تقولي كده في الحتة المختلفة والمحافظة على شكلها”.

نسمة محجوب تحيى حفل مهرجان الموسيقي العربية

قدمت المطربة نسمة محجوب ليلة طربية خلال حفلها بمهرجان الموسيقي العربية على خشبة مسرح النافورة، وهذا بدار الأوبرا المصرية والتي استطاعت أن تقدم عدد من أغانيها، ومنها : “هتقولى إيه وكل شمس ليها ظل ومستغربة والوقت يعدى”، وغنت أيضا باللغة الإنجليزية، وعنت لكوكب الشرق أم كلثوم أغنية ألف ليلة وليلة، وللراحلة وردة.

وقدمت نسمة محجوب أيضا أغنية عابر سبيل، وقالت عنه : “أنا حابة أغني الأغنية دي النهارده، لأن في عز اللي بتمر به الشعوب العربية، كل واحد قادر يعبر بطريقته الخاصة، وأنا بعبر بالأغنية دي”.