رودريغو يخسر بريقه في ريال مدريد وسط تساؤلات عن مستقبله مع الفريق

6 ساعات منذ

Rodyna Emad Elmansy

يعيش اللاعب البرازيلي رودريغو فتره صعبه جدًا مع ريال مدريد، بعد ماكان واحد من العناصر اللي يعتمد عليها الفريق، الحين صار أدائه باهت ومش مقنع لا للمدرب ولا للجماهير.

رودريغو، اللي كان دايمًا يترك بصمه في المباريات الكبيره، ما عاد يقدم نفس الأداء، ومن فبراير وهو ما سجل غير هدف واحد بس! والهدف هذا كان في ديربي قدام أتلتيكو مدريد، ومن وقتها لعب 20 مباراه بدون تأثير حقيقي.

الجماهير بدت تحس إنه مو نفسه رودريغو اللي كان يهدد دفاعات الخصوم، وبدا الكلام يزيد عن تغيير خطة اللعب من قبل أنشيلوتي، وخصوصًا خطة 4-4-2 اللي ممكن تبعد رودريغو عن التشكيلة الأساسيه.

حتى بالأرقام، مستواه نازل، السنة اللي راحت كان يسجل هدف كل 212 دقيقه، أما هالسنه فصار كل 235 دقيقه، يعني تراجع واضح والأصعب إنه ما عاد يسدد حتى على المرمى بمباريات مهمه مثل نص نهائي الكأس أو قدام فرق قويه بالدوري.

ومع إن المدرب والإدارة ما زالوا يثقون فيه، بس الوضع ما عاد يحتمل المجاملات، ريال مدريد فريق دايم يطلب الأفضل، والوقت قاعد يمر، ولازم رودريغو يرجع مستواه بسرعه قبل ما يخسر مكانه الأساسي.

ريال مدريد، رودريغو، تراجع الأداء، كارلو أنشيلوتي، خطة 4-4-2، جماهير البرنابيو، أهداف رودريغو، مستقبل رودريغو، هجوم ريال مدريد، الدوري الإسباني.