احسن من رونالدو وعايز بلستر!! إبراهيم سعيد يتحدث عن أداء لاعبي الأهلي في السوبر

شهرين منذ

كريم احمد الحسيني

ظهر الإعلامي المصري الشهير السيد إبراهيم سعيد ليتحدث عن أداء لاعبي الأهلي المصري في السوبر المصري بعد الفوز على الزمالك بركلات الترجيح وقال عن مصير كهربا مع الفريق:

“كهربا وكولر الاتنين محظوظين، فرحة كهربا فرحتين، أن الأهلي كسب بطولة، وكمان لو لا قدر الله حصل حاجة كان كهربا هيمشي قبل ما الأهلي يركب الطائرة في أبو ظبي”.

وأضاف وقال: “دعم اللعيبة بيقول إن الأمور ممكن تقدر تتلم، بس بأداءه جوه الملعب، نصيحتي ليك أفصل دماغك شوية، وابعد عن السوشيال ميديا، وسيبك من الرد على الناس عشان هتتأخر كتير وبتبقى مضغوط، وياريت تجيب بلستر وأنت داخل النادي عشان محدش يسخنك”.

رأي إبراهيم سعيد في أداء أفشة

وحول أداء أفشة قال سعيد: “برغم أن أفشة شارك في وقت قليل جدًا ولكن كان مؤثر، تحسه أنه راجل بركة، من الشخصيات المحبة للنادي وبيشتغل لصالح الفرقة حتى لو لعب ربع ساعة، بيقاتل وبيموت نفسه وعايز يكسب فرقته”.

وعن احتفاله على طريقة النجم البرتغالي كريستيانو رونالدو قال: “أنت أجمد منه، والعضلة مقوية قلبك، والحركة اللي عملها كان الفرق بينهم في الطول بس، بس كامكانيات أقوى من رونالدو”.