تشيلسي يطارد موهبة يوفنتوس كينان يلديز البلوز عايزين يخلصوا صفقة الصيف قبل الزحمة

5 ساعات منذ

shahid ahmed

تقارير فرنسية من FootMercato كشفت إن ‎تشيلسي فتح خط سخن مع ‎يوفنتوس ووكلاء التركي الألماني ‎كينان يلديز (19 سنة) لضمه فى الميركاتو الجاى النادى اللندنى بقى على تواصل مبدئى مع إدارة تورينو عشان يعرف شروط الصفقة قبل ما الأندية التانية تدخل الصراع.

اهتمام البلوز جاى بعد موسم متقلب فى البريميرليج خلى الفريق سادس الترتيب، ومع مدربه الجديد إنزو ماريسكا الإدارة ناوية تقلل حجم القائمة وتستقطب لاعيبة موهوبة عندهم خبرة اوروبية على أمل يرجّعوا مكانهم فى ‎دورى الأبطال ويلمّوا لقب ‎دورى المؤتمر الأوروبى الموسم الحالى.

يلديز اللى خطف الأضواء مع اليوفى بمهاراته وسرعته يعتبر هدف مثالى لخطة إعادة بناء تشيلسى طويلة المدى التقرير قال إن البلوز عايزين يسرّعوا التفاوض قبل ما السعر يطلع أو يدخل منافسين، خصوصاً إن اللاعب داخل سنة أخيرة فى عقده وبيفكر فى خطوة أكبر.

إدارة ستامفورد بريدج حطت استراتيجية مركّزة للصيف بيع الزائد وجلب مواهب واعدة بقدرات عالية، ويلديز على رأس الليستة الأيام الجاية هتبيّن إذا كان تشيلسى يقدر يقنع اليوفى يفرّط فى جوهرته الشابة ولا لأ، والجمهور مستنى أول خبر رسمى.